20 наурыз – Ұлттық спорт күні! "Көңілді сәттер"

20 наурыз – Ұлттық спорт күніне орай балабақшамызда ерекше көңілді күн өтті .
Балалар қазақтың ұлттық ойындарын ойнап, ата-бабамыздан мұра болып қалған дәстүрлермен жақынырақ танысты. Арқан тартыс, асық ату сынды ойындар арқылы олар ептілік пен шапшаңдықтарын көрсетіп, достық пен бірліктің мәнін сезінді.
Ұлттық ойындар – тек көңіл көтеру ғана емес, ол – тәрбие мен рухани құндылықтың қайнар көзі. Осындай шаралар арқылы біз балалардың бойына ұлттық рухты, салт-дәстүрге деген құрметті сіңіреміз.